အို-အဗုလ်မွန်ဇိရ် အသင့်၌ရှိသော အလ္လာဟ်အရှင်မြတ်၏ ကျမ်းတော်တွင် မည်သည့်အာယသ်တော်သည် အကြီးမြတ်ဆုံးဖြစ်သည်ကို အသင်သိပါသလား။...

Scan the qr code to link to this page

ဟဒီးဆ်
ရှင်းလင်းချက်
ဘာသာပြန်များကို ကြည့်ရှုရန်
ဟဒီးဆ်မှ သိမှတ်ဖွယ်ရာများ
အမျိုးအစားများ
ထပ်၍
အုဗိုင်းယ္ယုဗ်နုကအ်ဗ်(ရဿွိယလ္လာဟုအန်ဟု)က ဆင့်ပြန်ခဲ့သည်။ အလ္လာဟ်အရှင်မြတ်၏ ရစူလ်တမန်တော်(ဆွလ္လလ္လာဟုအလိုင်းဟိဝစလ္လမ်)က(၎င်းအား) အို-အဗုလ်မွန်ဇိရ် အသင့်၌ရှိသော အလ္လာဟ်အရှင်မြတ်၏ ကျမ်းတော်တွင် မည်သည့်အာယသ်တော်သည် အကြီးမြတ်ဆုံးဖြစ်သည်ကို အသင်သိပါသလားဟု မေးတော်မူသည်။ ကျွန်တော်က အလ္လာဟ်အရှင်မြတ်နှင့် အရှင်မြတ်၏ရစူလ်တမန်တော်သာ အသိဆုံးဖြစ်ပါသည်ဟု ဖြေကြားခဲ့သည်။ တဖန်ကိုယ်တော်က အို-အဗုလ်မွန်ဇိရ် အသင့်၌ရှိသော အလ္လာဟ်အရှင်မြတ်၏ကျမ်းတော်တွင် မည်သည့်အာယသ်တော်သည် အကြီးမြတ်ဆုံးဖြစ်သည်ကို အသင်သိပါသလားဟု မေးတော်မူသည်။ကျွန်တော်က (ٱللَّهُ لَآ إِلَٰهَ إِلَّا هُوَ ٱلْحَىُّ ٱلْقَيُّومُ) (စူရဟ် ဗကရဟ်- ၂၅၅) (အာယသုလ်ကုရ်စီ) ဖြစ်သည်ဟု ဖြေကြားခဲ့သည်။ထိုအခါ ကိုယ်တော်သည်ကျွန်ုပ်၏ရင်ဘတ်ကိုပုတ်၍ မိန့်တော်မူသည်မှာ “အို-အဗုလ်မွန်ဇိရ် သင့်အတွက် အသင်၏အိလ်မ်အသိပညာသည် မင်္ဂလာရှိပါစေ။”
ဤဟဒီးဆ်သည် ဆွဟီးဟ် အဆင့်ရှိသည်။ - မွတ်စ်လင်မ်ကျမ်း။

ရှင်းလင်းချက်

အလ္လာဟ်အရှင်မြတ်၏ရစူလ်တမန်တော်(ဆွလ္လလ္လာဟုအလိုင်းဟိဝစလ္လမ်)က အို- အဗုလ်မွန်ဇိရ် ဟုခေါ်တော်မူသည်။ ဤနာမည်သည် အုဗိုင်းယ္ယုဗ်နုကအ်ဗ်၏ (ကွန်နီယသ်) ဖြစ်ပြီး ၎င်းသည် သာသနာ့ပညာရှင်ဆွာဟာဗဟ်များအနက်မှ တစ်ပါးဖြစ်သည်။ကိုယ်တော်က သူ့အားအသင့်၌ရှိသော အလ္လာဟ်အရှင်မြတ်၏ကျမ်းတော်တွင် မည်သည့်အာယာသ်တော်သည်အကြီးမြတ်ဆုံးဖြစ်သည်ကို အသင်သိပါသလားဟု မေးတော်မူခဲ့သည်။ အုဗိုင်းယ္ယုဗ်နုကအ်ဗ်က အလ္လာဟ်အရှင်မြတ်နှင့် အရှင်မြတ်၏ရစူလ်တမန်တော်သာ အသိဆုံးဖြစ်ပါသည်ဟု ဖြေကြားခဲ့သည်။ တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)ကသူ့အား ထိုမေးခွန်းကိုပင်ထပ်မံမေးမြန်းသဖြင့် ကိုယ်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် မိမိ၏အဖြေကိုနားထောင်လိုတော်မူကြောင်းနှင့် ဤသည်သင်ကြားပေးခြင်းနှင့် ကျိုးစားအားထုတ်ရမည့်အခြေနေမျိုးဖြစ်ကြောင်း သဘောပေါက်သဖြင့် အုဗိုင်းက (ٱللَّهُ لَآ إِلَٰهَ إِلَّا هُوَ ٱلْحَىُّ ٱلْقَيُّومُ) (အာယသုလ်ကုရ်စီ) ဖြစ်သည်ဟု ဖြေကြားခဲ့သည်။ထိုအခါ တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)က အုဗိုင်း၏ရင်ဘတ်ကိုပုတ်၍ အို-အဗုလ်မွန်ဇိရ် သင့်အတွက် အသင်၏အိလ်မ်အသိပညာသည် မင်္ဂလာရှိပါစေဟု မိန့်ကြားတော်မူသည်။ ဤသည်တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)က အုဗိုင်းယ္ယုဗ်နုကအ်ဗ်အား လွယ်ကူစွာပညာတတ်မြောက်စေရန်နှင့် ပညာအရာ၌ ကျယ်ကျယ်ပြန့်ပြန့် သိနားလည်စေရန် ဒုအာဆုမွန်တောင်းပေးခြင်းပင်ဖြစ်သည်။ တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)က သူ၏ရင်ဘတ်ကိုပုတ်လိုက်ခြင်းသည် ၎င်း၏စိတ်နှလုံးသားကျယ်ဝန်းပွင့်လင်းမှု၊ ပညာအမြော်အမြင်နှင့် ပြည့်ဝမှုတို့ကို ညွှန်ပြနေခြင်းဖြစ်သည်။
  • العربية - عربي - Arabic
  • español - إسباني - Spanish
  • اردو - أردو - Urdu
  • Shqip - ألباني - Albanian
  • বাংলা - بنغالي - Bengali
  • bosanski - بوسني - Bosnian
  • ไทย - تايلندي - Thai
  • සිංහල - سنهالي - Sinhala
  • Kiswahili - سواحيلي - Swahili
  • svenska - سويدي - Swedish
  • Tiếng Việt - فيتنامي - Vietnamese
  • മലയാളം - مليالم - Malayalam
  • हिन्दी - هندي - Hindi
  • Hausa - هوسا - Hausa
  • Èdè Yorùbá - يوربا - Yoruba
  • Türkçe - تركي - Turkish
  • Bahasa Indonesia - إندونيسي - Indonesian
  • پښتو - بشتو - Pashto
  • አማርኛ - أمهري - Amharic
  • ئۇيغۇرچە - أيغوري - Uyghur
  • తెలుగు - تلقو - Telugu
  • Nederlands - هولندي - Dutch
  • ગુજરાતી - غوجاراتية
  • অসমীয়া - آسامي - Assamese
  • Кыргызча - قرغيزي - Кyrgyz
  • नेपाली - نيبالي - Nepali
  • lietuvių - ليتواني - Lithuanian
  • Српски - صربي - Serbian
  • فارسی دری - دري
  • čeština - تشيكي - Czech
  • italiano - إيطالي - Italian
  • English - إنجليزي - English
  • ελληνικά - يوناني - Greek
  • български - بلغاري - Bulgarian
  • Pulaar - فولاني - Fula
  • ಕನ್ನಡ - كنادي - Kannada
  • Malagasy - ملاغاشي - Malagasy
  • română - روماني - Romanian
  • Kinyarwanda - كينيارواندا - Kinyarwanda
  • Soomaali - صومالي - Somali
  • тоҷикӣ - طاجيكي - Tajik
  • Ўзбек - أوزبكي - Uzbek

ဟဒီးဆ်မှ သိမှတ်ဖွယ်ရာများ

  1. ဤဟဒီးဆ်တော်တွင် တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)သည် အုဗိုင်းယ္ယုဗ်နုကအ်ဗ်၏ အိလ်မ်အသိပညာကြွယ်ဝမှုကို ဂုဏ်ပြုထားပြီး ၎င်းအတွက်ဒုအာဆုမွန်တောင်းပေးတော်မူသည်။ ဤသည် အုဗိုင်းယ္ယုဗ်နုကအ်ဗ်(ရဿွိယလ္လာဟုအန်ဟု)၏ အဆင့်အတန်းမြင့်မားမှုကိုဖေါ်ပြနေသည်။
  2. တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)အား ပြန်လည်ဖြေကြားရာတွင် အုဗိုင်းယ္ယုဗ်နုကအ်ဗ်၏ ယဉ်ကျေးသိမ်မွေ့မှုကို ဖော်ပြထားသည်။
  3. ဆရာတစ်ဦးအနေဖြင့် မိမိတပည့်၏ မှန်ကန်သည့်စကား သို့မဟုတ် လုပ်ရပ်တစ်ခုခုကို မြင်တွေ့ပါက ၎င်းအားတက်ကြွမှုရှိစေရန် လှုံ့ဆော်ပေးခြင်း၊ ထိုကိစ္စကို ထုတ်ဖော်ချီးကျူးခြင်း၊ ထိုသို့ဆောင်ရွက်နိုင်သည့်အပေါ် မိမိ၏ပျော်ရွှင်မှုကို ဖော်ပြခြင်းတို့ ဆောင်ရွက်သင့်သည်။
  4. ဆရာသည် တပည့်များအား ၎င်းတို့၏အသိပညာကို စမ်းသပ်ရန်အတွက် မေးခွန်းများ မေးမြန်းခွင့်ရှိသည်။
  5. ပညာရှင်တစ်ဦးသည် ဂုဏ်သိက္ခာရှိသည့် မိမိ၏အပေါင်းအဖော်များကို လေးစားရမည်။၎င်းတို့အား (မည်သူမည်ဝါ၏ ဖခင်ဟူ၍) သား၊သမီးဘက်သို့ ဆက်နွယ်ကာ ခေါ်ဆိုနိုင်သည်။
  6. ချီးကျူးခြင်းအားဖြင့် ကောင်းကျိုးရှိကာ မိမိကိုယ်မိမိအထင်ကြီးလာမည်ကိုလည်း မစိုးရိမ်ရပါက လူတစ်ဦးအား၎င်း၏ရှေ့မှောက်၌ပင် ချီးကျူးခွင့်ရှိသည်။
  7. အာယသုလ်ကုရ်စီသည် ကုရ်အာန်ကျမ်းမြတ်တွင် အကြီးမြတ်ဆုံးအာယသ်တော်ဖြစ်သည်။
  8. “အသင့်၌ရှိသော အလ္လာဟ်အရှင်မြတ်၏ ကျမ်းတော်တွင် မည်သည့်အာယာသ်တော်သည် အကြီးမြတ်ဆုံးဖြစ်သည်ကို အသင်သိပါသလား” ဟု မိန့်ကြားခဲ့သော တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)၏မေးခွန်းတွင် ကုရ်အာန်ကျမ်းမြတ်၏အာယသ်တော်များအနက် အချို့အာယသ်တော်များကို အချို့အာယသ်တော်များထက် ထွတ်မြတ်သည်ဟု ပြောခွင့်ရှိကြောင်း အထောက်အထားပါရှိသည်။

အမျိုးအစားများ

အောင်မြင်စွာဖြင့် ပို့ပြီးပါပြီ