?مَنْ قَرَأَ حَرْفًا مِنْ كِتَابِ اللهِ فَلَهُ بِهِ حَسَنَةٌ، وَالْحَسَنَةُ بِعَشْرِ أَمْثَالِهَا

Scan the qr code to link to this page

له عبدالله بن مسعود رضي الله عنه څخه روایت دی وایي چې رسول الله صلی الله علیه وسلم فرمایلي: «مَنْ قَرَأَ حَرْفًا مِنْ كِتَابِ اللهِ فَلَهُ بِهِ حَسَنَةٌ، وَالْحَسَنَةُ بِعَشْرِ أَمْثَالِهَا، لَا أَقُولُ {الم} حَرْفٌ، وَلَكِنْ {أَلِفٌ} حَرْفٌ، وَ{لَامٌ} حَرْفٌ، وَ{مِيمٌ} حَرْفٌ». «څوک چې د الله جل جلاله له کتاب څخه یو حرف ولولي نو د هغه لپاره د هغه په څېر لس چنده نیکي ده، زه نه وایم چې (الم) یو حرف دی، بلکې (الف) حرف دی، (لام) حرف دی او (میم) حرف دی».

صحيح - ترمذی روایت کړی دی

تشریح

رسول الله صلی الله علیه وسلم خبر ورکوي چې هر مسلمان چې د الله جل جلاله له کتاب څخه یو حرف لولي نو هغه ته پرې نیکي ده، او ثواب یې ورته تر لس چنده پورې زیاتیږي. بيا يې دا وینا په دې خبره روښانه کړه: چې (زه دا نه وايم چې الم (یو) حرف دى، بلکې الف حرف دى، لام حرف دى او ميم حرف دى) نو درې توري کیږي او دیرش نیکۍ پرې دي.

د حديث له ګټو څخه

د قرانکریم په ډېر تلاوت باندې ټینګار.
لوستونکي ته د هرې کلمې د هر حرف په بدل کې نیکي ده چې په لس چنده ورته شمېرل کیږي.
د الله جل جلاله پراخه رحمت او سخاوت، چې بندګانو ته یې د خپل فضل او سخاوت له مخې اجر څو چنده کړی دی.
په نورو ویناوو د قرآن کریم فضیلت او دا چې تلاوت کول یې عبادت دی؛ ځکه چې دا د الله جل جلاله کلام دی.

ډلبندیانې

په بریالیتوب سره ولیږل شو