Nabiyaamã, (Wẽnd pʋʋsg la A tɩlgr be a yĩnga), tẽega bũmb yell n yeele: “ ad rẽnda yaa bãngr loogr

Scan the qr code to link to this page

Yii a Ziyaad ɭbn Labiid nengẽ, -Wẽnd yard be a yĩnga-, a yeelame: Nabiyaamã, (Wẽnd pʋʋsg la A tɩlgr be a yĩnga), tẽega bũmb yell n yeele: “ ad rẽnda yaa bãngr loogr sasa la a yɩta” tɩ mam yeele, yaa Wẽnd Tẽn-tʋʋma, bãngr loogda wãnã, tɩ tõnd karemd Alkʋrãanã la d wilgd-a d koamba, tɩ tõnd koambã me karemd-a n na n wilg b koamba, n tʋg tãag dũni yikr raare? La Nabiyaamã yeele: “fo ma wã sã n rag n ka rog foom, rẽ n são yaa Ziyaade, m da neeme tɩ Madiin pʋgẽ, ned sẽn yɩɩd ne bãngr yaa foom, rẽ yĩnga fo ka ne tɩ Yahuud-rãmbã la Nasaar-rãmbã karemda Tawraat la Lingiil laa? La b ka tʋm ne baa fʋɩ sẽn wa b yiibã pʋgẽ ye?!”.

Sahih/Authentic by virtue of corroborating evidence. - Ibn Maajah

Explanation

Nabiyaamã, (Wẽnd pʋʋsg la A tɩlgr be a yĩnga), a rag n yɩɩme n zĩẽ a sahaabsã sʋka, n togs wakat ning b sẽn na n zẽk bãngre la b reeg-a nebã nengẽ, Rẽnd a Ziyaad ɭbn Labiide, -Wẽnd yard be a yĩnga-, sẽn yaa Madiin nedã, maana yel-solemde, n na n sok Nabiyaamã, (Wẽnd pʋʋsg la A tɩlgr be a yĩnga), A yeelame: «bãngr loogda wãnã tõnd sʋkã, tɩ tõnd karemd Alkʋrãanã, n duls-a, m wẽen ne Wẽnd tɩ d na n karem-a-la d pagba la d koamba la tõnd yagemse, La Nabiyaamã, (Wẽnd pʋʋsg la A tɩlgr be a yĩnga), yeele, n maan yel-solemde: “fo ma wã kong-f lame yaa Ziyaade, ad mam da geelda foom n lagem Madiin bãngdbẽ wã! Rẽ poorẽ, Nabiyaamã, (Wẽnd pʋʋsg la A tɩlgr be a yĩnga), vẽnegd n wilgdame, tɩ ad bãngrã kaalgã, a ka Alkʋrãanã kaalg ye, a yaa b sẽn wat n kong tʋʋm ne-a wã, Bala woto yaa Tawraat la Lingiil sẽn be Yahuud-rãmbã la Nasaar-rãmbã nengẽ, la sẽn lagemd ne rẽ fãa, ka naf-b ye, b ka paam nafa b pʋgẽ wã, la rẽ me yaa b tʋm ne-ba.

Benefits from the Hadith

La Alkʋrãan-rãmbã la gaf-rãmbã nebã nusẽ wã, ka nafde tɩ b sã n ka tʋm ne-b ye.
Bãngrã zẽk n bas nebã, a tũuda ne yεla, sẽn be a pʋgẽ, yaa Nabiyaamã, (Wẽnd pʋʋsg la A tɩlgr be a yĩnga), kũum, la bãngdbã kũum la leb n bas tʋʋm ne bãngrã.
Sẽn be dũni yikr tagmas-rãmbẽ, yaa bãngrã sẽn na n wa looge, la b sẽn na n wa bas tʋʋm ne-a.
Bee hadiisã pʋgẽ, nebã pirsgu, tɩ b tʋm ne bãngrã tɩ yaa yẽ la b sẽn ratã.