Yamb maana zunuub tʋʋmde, n yeele: " Soaba Wẽnde yaaf m zunuubã - Encyclopedia of Translated Prophetic Hadiths

Yamb maana zunuub tʋʋmde, n yeele: " Soaba Wẽnde yaaf m zunuubã

Scan the qr code to link to this page

View Translations

Benefits from the Hadith

Yii a Abɩɩ Hʋrayrat nengẽ -Wẽnd yard be a yĩnga Yii Nabiyaamã nengẽ -Wẽnd pʋʋsg la A tɩlgr be a yĩnga-a sẽn togsd tɩ yaa sẽn yi a Soabã nengẽ, A Naam yɩ wagell n zẽke, n yeele: "Yamb maana zunuub tʋʋmde, n yeele: " Soaba Wẽnde yaaf m zunuubã". Tɩ Wẽnd yeele, A Naam yɩ wagell n zẽke: Mam yambã beegame la a leb n bãngame t'a tara Soabã sẽn yaafde la A leb n sɩbgd ne zunuuba" rẽ poorẽ tɩ yamba beege, n yeele: "m Soaba, yaaf-ma m zunnuubã, tɩ Wẽnd yeele, A Naam yɩ wagell n zẽke: " Mam yamba maana beegre, n bãng t'a tara Soaba, sẽn yaafd zunuuba la A leb n sɩbgd ne zunuuba. Tɩ yambã leb n maan zunuuba, n yeele: " m Soaba, yaaf-ma m zunuubã". Tɩ Wẽnd yeele, A Naam yi wagell n zẽke: "M yambã maana beegre, n bãng t'a tara Soaba, sẽn yaafd zunuuba, la A sɩbgd ne zunuuba, maan f sẽn rate, tɩ ad Mam yaaf-f lame".

Sahih/Authentic. - Al-Bukhari and Muslim

Explanation

Nabiyaamã -Wẽnd pʋʋsg la A tɩlgr be a yĩnga- kõta kibare, sẽn yi a Soabã nengẽ, tɩ yamb sã n maan zunuub tʋʋma, rẽ poorẽ, n yeele: "Wẽnde, yaaf-ma m zunuubã". Wẽnd yetame: "M yamba maana zunuuba, n bãng t'a tara Soaba sẽn yaafde". Tɩ Wẽnd loe a bãngo la A gãndeg n bas a yĩnga, maa A sɩbg-a, "ad Mam yaaf-a lame". Rẽ poorẽ tɩ yamba lebg n maan zunuubã tʋʋmde, n yeele: " Wẽnde, yaaf-ma m zunuubã, tɩ Wẽnd yeele:" Mam yambã maana zunuuba, n bãng t'a tara Soaba, n yaafd zunuuba, n loet a baongo, la A gãndagd n basd a yĩnga, maa A sɩbg-a, ad Mam yaafa M yamba. Rẽ poorẽ tɩ yambã leb n maan zunuuba, n yeele:" m Soaba, yaaf-ma m zunuubã, tɩ Wẽnd yeele: "M yambã maana zunuuba, n bãng t'a tara Soab sẽn yaafd zunuuba, n loet a bãongo la A gãndagd n basd-a maa A sɩbgd-a, ad Mam yaafa M yambã, bɩ M yambã maan a sẽn rate, sã n mikame t'a sẽn maan zunnub fãa, a lebgdame n bas zunuubã la a kos yaafa la a maan mimisa la a loe a sũurẽ n wãag t'a ka na n leb zunuubã pʋgẽ ye, la a yõorã yamleoog wil-a lame, t'a lebg n lʋɩ zunuubã pʋgẽ, sã n mikame tɩ yaa woto la a maanda, n maand zunuubã la a tuubdẽ, M na n yaafa a yĩnga, bala tuubgã a wurda bũmb ning sẽn da reng taoorã sẽn yaa Wẽnd kɩɩsgo.

Benefits from the Hadith

Yaa Wẽnd yolsgã ne A yembsã sẽn yaa yalengã, la ninsaala baa a sẽn tʋm zunuub tʋʋm fãa, a sẽn maan bũmb ningã fãa, a sã n tuub n tʋg Wẽnd nengẽ, n lebs a meng Wẽnd nengẽ, Wẽnd reegda a tuubgu.
Sɩd-kõt ne Wẽnde, A Naam zẽkame, a tẽeda a Soaba yaafgo la a yεεsd A sɩbgrã, rẽ n kɩt t'a yãgdẽ, n tʋgd tuubgã, a ka kelled n sak n duum Wẽnd kɩɩsgã pʋgẽ ye.
Tuub sõng sart-rãmba: yaa bas zunuubã la f maan mimisa ne fo sẽn da maanã, la f loe n wãag tɩ f ka na n kẽng zunuubẽ wã ye, la sã n mik tɩ tuubgã yaa yembsã wẽbg pʋgẽ la f rat n na n yi, sẽn yaa arzεgsẽ, maa burkĩndẽ maa b yõyẽ, rẽnd sart a naas n na n paase, yẽ me: yaa f pidg f meng n yi hakε wã soabã, t'a bas tɩ sε maa f kõ-a a hakε wã.
A wilgda bãng Wẽndã sẽn ta zĩig ninga, bãngr ning sẽn kɩt tɩ yamba bãngd a dĩinã yεla, n tuubd n lebd Wẽnd nengẽ, a sẽn tudg fãa, a ka wãagda a tẽebo, a ka kelled n paad zunuubã pʋgẽ.

Categories

Successfully sent!