?Yaa sɩda, ad sã n wa beẽ, neb n na n zĩndi tɩ mam hadiis (gomd) wa tʋg n ta a nengẽ, t’a yaa sẽn kɩll a zaoog zugu, n yetẽ : « ad tõnd ne yãmb sʋka yaa Wẽnd Gafã

Scan the qr code to link to this page

Yii a Miƙdaam ɭbn Ma’adiikarab -Wẽnd yard be a yĩnga- a yeelame: Wẽnd Tẽn-tʋʋmã -Wẽnd pʋʋsg la A tɩlgr be a yĩnga- yeelame: «Yaa sɩda, ad sã n wa beẽ, neb n na n zĩndi tɩ mam hadiis (gomd) wa tʋg n ta a nengẽ, t’a yaa sẽn kɩll a zaoog zugu, n yetẽ : « ad tõnd ne yãmb sʋka yaa Wẽnd Gafã bal n be d sʋka, bũmb ning tõnd sẽn mik Wẽnd Gafã pʋgẽ tɩ yaa halaalã, d na n maaname tɩ yaa halaale, la d sẽn mik a pʋgẽ tɩ yaa haraam d na n maaname tɩ yẽ yaa haraam, la hadiis ka pak tõnd ye, la b bãng tɩ bũmb ning Wẽnd Tẽn-tʋʋmã -Wẽnd pʋʋsg la A tɩlg be a yĩnga- sẽn harm-a, a yaa wala Wẽnd sẽn haram bala».

Sahih/Authentic. - Ibn Maajah

Explanation

Nabiyaamã -Wẽnd pʋʋsg la A tɩlgr be a yĩnga- kõta tõnd kibare, tɩ zãmaan n pẽnege, tɩ neb kõbg n na n zĩnd beenẽ, ned fãa kɩll a kʋgs zugu, tɩ Nabiyaamã, -Wẽnd pʋʋsg la A tɩlgr be a yĩnga- hadiis wa tʋg n ta a nengẽ, t’a yetẽ : « bũmb ning sẽn kaood bʋʋd tõnd ne yãmb sʋka yεlã pʋgẽ, ad yaa Alkʋrãanã bala, a seka tõndo, tõnd sẽn mik bũmb ninga Alkʋrãanã pʋg tɩ yaa halaalã tõnd na n tʋma ne rẽ, la d sẽn mik a pʋgẽ tɩ yaa haraam d na n zoe n zãag-a lame ». Rẽ poorẽ, tɩ Nabiyaamã -Wẽnd pʋʋsg la A tɩlgr be a yĩnga-vẽnege n wilg tõnd tɩ ad bũmb fãa gill Nabiyaamã sẽn harmã maa a gɩdgame, a Sunnã pʋgẽ, ad yẽnda bʋʋdo yaa wala Wẽnd sẽn gɩdg bũmb ningã A Gafã pʋgẽ, bala yaa Nabiyaamã la ned ning sẽn taasd a Soabã koεεgã.

Benefits from the Hadith

Bee hadiisã pʋgẽ, b sõmb n zɩsga Sunnã wala b sẽn zɩsgd Alkʋrãanã ,la b leb n reegd-a wa b sẽn reegd Alkʋrãanã.
Hadiisã wilgdame tɩ Tẽn-tʋʋmã tũudum, a yaa wala Wẽnd tũudum, la a kɩɩsg yaa Wẽnd kɩɩsgo, A Naam zẽkame.
Hadiisã leokda neb nins sẽn rat n na n lebs hadiis-rãmbã, la b kɩɩsd-ba.
Ned ning sẽn wa n ball n bas hadiis-rãmba, n yeel t’a na n kell n seka a meng ne Alkʋrãanã, bɩ a soab bãng tɩ yẽnda ballame n bas b yiibã fãa gilli, a bãng t’a yaa zĩri-be-neda, sẽn yagd t’a tũuda Alkʋrãanã.
Bee hadiisã pʋga, yεla sẽn wilgd tɩ Nabiyaamã -Wẽnd pʋʋsg la A tɩlgr be a yĩnga- sɩd yaa nabiyaama, ne a sẽn kõ kibar bũmb sẽn na n wa yɩ sẽn wate, t’a sɩd wa yɩ wala Nabiyaamã sẽn togsã.