Ibnu Mas'uud wii: Nelaaɗo yeewtanii amen ko kanko woni gooŋɗuɗo gooŋɗinaaɗo, gooŋɗinaaɗo sabu ko Allagooŋɗini mbo. O maaki: Gooto e mon tagu mum ina renndine, si gorko renndi e debbo mum maniyyu mum cariiɗo o renndinte e reedu debbo capanɗe nay ñalawma hono toɓɓere, refti nde wonta heɗɗere ɗuum woni ɗiiƴam tekkuɗam penndiɗam, ɗum ko e balɗe capanɗe nay ɗimme ɗe, refti ɗum wonta husre ko ɗuum woni hettere teew ƴakkatoonde, ɗum ko e capanɗe nay balɗe tataɓol he, refti Alla nela e makko malayka, mbo wutta e makko fittaandu caggal balɗe capanɗe nay battuɗe laabi tati, malayko o yamire winndude konngi nay ɗiin ngoni: arsuko makko, ɗuum woni ko o heɓata e neemaaji e nder nguurndam makko, e lajal makko, ɗuum woni ko o heddoto ko e aduna, e golle makko, hol ko woni ɗeen? Kiitaaɗo wollo malaaɗo. Refti Annabi woondi (honake)wonde ma gooto e aade en gollu golle yimɓe aljanna, golle makko ngono moƴƴe, ko feeñani ko yimɓe ɓe, o wonira noon haa heddataako hakkunde mum e aljanna si wonah dira, ɗuum woni haɗata ɗum ko yottaade si en ɓetii e leydi ɗum wonata ko dira, hoddira jaalo e makko e ko o winndana ko, o golla golle yimɓe yiite, o gasnira ɗum golle makko o naata yiite; sabu sarɗi jaɓeede golle makko ko tabitde e heɗe e waasde waylaade, goɗɗo o e yimɓe he, o gollat golle yimɓe yiite haa o ɓadoo naatde nge, heddo hakkunde makko e henge fotde dira, ko winndana ko e hoddira jaalo e makko o golla golle yimɓe aljanna o naata aljanna.