Alla winndi moƴƴinde(bodengi) e kala huunde

Scan the qr code to link to this page

Ittaama e Saddaad Ɓiy Awsu yo Alla wele mbo(yo allah yardo he makko)o wii: Geɗe ɗiɗe mi reeniiɗe e Nelaaɗo yo jam e kisal won e makko o wii: Alla winndi moƴƴinde(bodengi) e kala huunde, si on mbarii moƴƴinee (boonnee)bargol si on kirsii moƴƴinee(boonnee) kirsugol, yo gooto e mon welnu laɓi makko, yo o fooftin hirsaande makko.

Sahih/Authentic. - Muslim

Sarhu on

Annabi ina habra wonde Alla waɗɗinii e men moƴƴinde e kala huunde, moƴƴinde woni: Waɗtorde Alla ko duumi, ka rewde Mbo e waɗde moƴƴere e accude lorde tagaaɓe ɓe, ina e ɗuum moƴƴinde ka bargol e kirsugol. Moƴƴinde (bo oniki)bargol saanga yoɓtaade woni: suɓaade laabi ɓurɗi newaade e hoyde e ɓurɗi yaawde ittude fittaandu wonande barateeɗo o. Moƴƴinde(booniki) ka kirsugol woni: Newnande ko hirsete ko e welnude laɓi kirsirki ki, ki waasa welneede e yeesa ko hirsatee ko tawa hoɗum ndaara ki, ko hirsatee ko waasa hirseede e yeesa dammi goɗɗi ɗi.

Ina jeyaa he nafooje Hadiis

Yurmeende Alla e newuya Makko e winndere he.
Moƴƴinde(booniki) bargol e kirsugol wonirta ko e mbaadi njaadundi e sariya.
Timmude sariya e soomde mbo kala moƴƴe- re, ina e ɗuum yumaade e newanaade kullele ngel.
Haɗde muusnude e neɗɗo caggal warde mbo.
Harminde kala ko leɓtata kulle.

Nooneeji

Nuldaama e jam!