Kala gooŋɗinɗo Alla e Ñalawma cakkatiiɗo yo o haal jam wollo o deƴƴa

Scan the qr code to link to this page

Ittaama e Abu Hurayrata yo Alla wele mbo(yo allah yardo he makko) wonde Nelaaɗo yo jam e kisal ngon e makko maaki(yo allah yardo he makko): " Kala gooŋɗinɗo Alla e Ñalawma cakkatiiɗo yo o haal jam wollo o deƴƴa, kala gooŋɗinɗo Alla e Ñalawma cakkatiiɗo yo o teddin koddiijo ( gondo)makko, kala gooŋɗinɗo Alla e Ñalawma cakkatiiɗo yo o teddin koɗo makko".

Sahih/Authentic. - Al-Bukhari and Muslim

Sarhu on

Annabi yo jam e kisal ngon e makko ina ɓanngina wonde jiyaaɗo gooŋɗinɗo Alla e ñalawma cakkatiiɗo mbo battane makko ngoni e junngo Makko e yoɓde mbo golle makko, gooŋɗingol mum ina hirjina ɗum e gollude ɗe golle garooje: Gadanel: Haalde ko moƴƴi: Subahinaade e innude Alla, e yamirde ko moƴƴi, e haɗde ko boni, e moƴƴinde hakkunde yimɓe, si o waɗaani ɗuum yo o deƴƴu o waasa lorde o nannga ɗemngal makko. Ɗimmel ngel woni Teddinde koɗo: Ɗuum woni moƴƴude e makko e waasde mbo lorde. Tataɓel: Teddinde koɗo garɗo ngam juuraade mbo: Teddinirde mbo haala welko e ñamri ñaamdu e ko nanndi e ɗuum.

Ina jeyaa he nafooje Hadiis

Gooŋɗinde Alla e ñalawma cakkatiiɗo woni iwdi kala moƴƴere, ɗum duñat faade waɗde ko moƴƴi.
Reentinde boneeji ɗeɓngal.
Diine Islaam ko diine goowondiral e teddungal.
Ɗe geɗe ko e pecce iimaan njeya e aadaaji moƴƴi.
Heewde haala ina fooɗo faade ko aña wollo ko harmi, kisal woni ko e waasde haalde si wonah ko moƴƴi.

Nooneeji

Nuldaama e jam!