Si on mbakkalinoomo e Alla tigi tigi(he gonga), ma O yeɗ mon no o yeɗrata ndiwri, ndiwri ndawndi hondi ɗehii ndi jofta hondi haari

Scan the qr code to link to this page

Ittaama e Umar Ɓiy Khaɗɗaab yo Alla wele mbo(yo allah yardo he makko) wonde o nanii Nelaaɗo yo jam e kisal won e makko ina maaka(wii a): " Si on mbakkalinoomo e Alla tigi tigi(he gonga), ma O yeɗ mon no o yeɗrata ndiwri, ndiwri ndawndi hondi ɗehii ndi jofta hondi haari".

Sahih/Authentic. - Ibn Maajah

Sarhu on

Annabi yo jam e kisal won e makko ina hirjina men nde mbakkiltaɗen e Alla ko faati e fooɗde nafooje e duñde lorooji e nder geɗe men aduna e diine, alah okkoowo wollo kaɗoowo wollo loroowo wollo nafoowo mbo wonah Alla Toowɗo O. E de mbaɗaten sababuuji pooɗooji nafooje duñooji lorooji wondude e gooŋɗude bakkilagol e Alla, kala nde mbaɗɗen noon Allla yeɗa men hono no O yeɗrata ndiwri ndawoori subako hondi heyɗi ndi arta kikiiɗo reedu mayri ina heewi, ɗe golle ndiwri ko noone e nooneeji yaade ngam ɗaɓɓude arsuko, wonah wakki kinaade wollo ngaameela.(yande)

Ina jeyaa he nafooje Hadiis

Ɓural wakkilaade, e wonde wakkilaade ko e sababuuji ɓurɗi mawnude e waawde addude arsuko.
Wakkilaade riiwtaani gollude sababuuji, sabu o hollii wakkilaade tigi weñandiraani e dawde e hirndude ngam ɗaɓɓude arsuko.
Sariya ina himmiri golle ɓerɗe; sabu wakkilaade ko gollal ɓerndeyankeewal.
Yowitaade e sababuuji tan ko ustaare diine, accude sababuuji ko ustaare hakkille.

Nooneeji

Nuldaama e jam!