Daganaaki gorko nde o hiiɗato musiɗɗo mum ( daganaki neddo tajo sakike mum) ko ɓuri jemmaaji tati, ɓe kawra oya ɗuurno o ne ɗuurno, ɓuri moƴƴude e maɓɓe ko gadiiɗo salminde o

Scan the qr code to link to this page

Ittaama e Abu Ayyuuba Al Ansaarii yo Alla wonde Nelaaɗo Alla yo jam e kisal ngon e makko maaki:(o wii) " Daganaaki gorko nde o hiiɗato musiɗɗo mum ( daganaki neddo tajo sakike mum) ko ɓuri jemmaaji tati, ɓe kawra oya ɗuurno o ne ɗuurno, ɓuri moƴƴude e maɓɓe ko gadiiɗo salminde o".

Sahih/Authentic. - Al-Bukhari and Muslim

Sarhu on

Annabi yo jam e kisal ngon e makko haɗii de juulɗo taƴatoo juulɗo banndum ko ɓuri jemmaaji tati, ɓe kawra gooto e maɓɓe fof ɗuurno goɗɗo ɓe mbaasa salmandirde. Ɓuri moƴƴude e ɓee ɗiɗa dukduɓe ko etatooɗo ittude ngal taƴandiral, o ado salminde, faanda e taƴaade noon ko taƴaraade ngam belaaɗe fittaandu, kono tawi ko taƴaade ngam hakke Alla hono taƴaade woopooɓe e bidayankooɓe e wondiiɓe bonɓe, ɗuum dottantaake waktu, kono ƴeewete ko fotde maslaha taƴagol ngol, taƴagol ngol fawato ko e gasde ko saabi taƴagol ngol.

Ina jeyaa he nafooje Hadiis

Dagaade taƴaade e nder balɗe tati wollo ko ɓuri famɗude, wondude e reende heen tagu aade en, ina yaafe e taƴaade e nder balɗe tati haa ko falii ko itto.
Ɓural salminde, e wonde salminde ina itta ko woni e fittaandu, e wonde konde maande gilli.
Reerɗude islaam e musidal e goowondiral hakkunde koreeji mum.

Nooneeji

Nuldaama e jam!