Kala nanndiniiɗo e yimɓe ko e maɓɓe o jeya

Scan the qr code to link to this page

Ittaama e Ɓiy Umar yo Alla weleɓe o wii: Nelaaɗo yo jam e kisal won e makko maaki: " Kala nanndiniiɗo e yimɓe ko e maɓɓe o jeya".

Hasan/Sound. - Abu Dawood

Sarhu on

Annabi yo jam e kisal ngon e makko ina habra wonde kala mbo nanndadinii e yimɓe heefaɓe reeɓe e naafigeeɓe wollo yimɓe moƴƴuɓe ɗuum woni nde o waɗata hono piɓle wollo dewe wollo aadaaji maɓɓe, oon ko e maɓɓe jeya; sabu nanndinaade e maɓɓe ko ɓanngi ina adda nanndidinaade e maɓɓe ko wirnii, sikke alah nanndidinaade addata ɗum ko yooɗeede ɓe, ɗuum ina adda yiɗde ɓe e mawninde ɓe e wuuraade e maɓɓe, ɗum ina fooɗo aade e nanndidinaade e maɓɓe haa e nder e dewe, heɗen mooli Alla e ɗuum.

Ina jeyaa he nafooje Hadiis

Reentinde e nanndidinaade e heeferɓe e faasigeeɓe.
Hirjinde e nanndidinaade e moƴƴuɓe e ñeemtinde ɓe.
Nanndidinaade ko ɓanngi ina adda gilli ka nder.
Neɗɗo ina heɓa kammbeede e bakkaat fotde ɗo nanndidinagol ngol tolni e mbaadi maggol.
Haɗde nanndinaade e heefereeɓe ka diine maɓɓe e aadaaji maɓɓe keeriiɗi, tawi ko wonah ɗuum hono janngude pitiram golle e ko nanndi heen ɗuum naataani ko haɗa ko.

Nooneeji

Nuldaama e jam!