Pellet Alla ndaaratah faade e mbaadiiji mon(sora bali mon) wonah faade e jawɗe mon, kono o ndaarata ko ɓerɗe mon e golle mon

Scan the qr code to link to this page

Ittaama e Abu Hurayrata yo weluya Alla won e makko o wii: Nelaaɗo Alla yo jam e kisal ngon e makko maaki:(owii) " Pellet Alla ndaaratah faade e mbaadiiji mon(sora bali mon) wonah faade e jawɗe mon, kono o ndaarata ko ɓerɗe mon e golle mon".

Sahih/Authentic. - Muslim

Sarhu on

Annabi (jam he kisinam won he makko)ɓannginii wonde Alla ndaaratah mbaadiiji jiyaaɓe e ɓalli maɓɓe, mbela koɗi jooɗɗi wollo bonɗi ŋari? Mbela koɗi mawɗi wollo koɗi tokoosi? Wollo koɗi celluɗi wollo koɗi ñawɗi? O ndaarathah faade e jawɗeele mon, mbele ko ɗe keewɗe wollo koɗe setta? Alla haasbortaa- ko jiyaaɓe makko ceertugol ɗe geɗe, kono O ndaarata ko woni e ɓerɗe jiyaaɓe makko e hulol e yaneede, e gooŋɗude, e laaɓde, wollo faandaade yeengo wollo naneede, O ndaarat faade e golle maɓɓe wonde ɗe moƴƴe wollo bonɗe; O barjaɗe O yoɓa ɗe.

Ina jeyaa he nafooje Hadiis

Toppitaade moƴƴinde ɓernde, e laɓɓinde nde e kala sifa ñiŋaaɗo.
Ɓernde moƴƴirta ko laɓɓinde, golle moƴƴirta ko rewde Annabi, ko ɗum woni ko ndaarete ka Alla.
Aade fotaani hoomtaraade e jawdi makko wollo njooɗndam makko wollo ɓanndu makko wonah hay huunde e ɗe geɗe aduna.
Reentinde e wuuraade e geɗe ɓannguɗe gaa e moƴƴinde nder.

Nooneeji

Nuldaama e jam!